Khrihfa Nun Fiannak phun 5

Source: Laiforum mail (2 May 2009) Akong: Sermon Theihawk: Amah cattialtu pumpak nih a thlahmi a si ----- Shalom! Can ttha sunluai a kan pe tu Pathian min ka thangthat. Jehovah Rapha Pathian nih damnak tlamtlin an pek cio hna ruang ah Bawipa min sung ka thangthat fawn. Khrih ah Dawtmi Unau zumtu hna sin ah thlarau lei ah a herh mi le kan nunram ah thazangthar lak tih awk ah kan duh sakpiak ngai mi te ka rak thlah duh ve ko hi. Baibal cacang; John 8:32"Biatak cu nan hngalh lai i cu biatak nih cun an luat ter hna lai." Biatlang tar    : "Khrifa nunram ah fiannak phun 5" 1. Khamhfiannak  ......1John 5;11-13,John 3:16 Khrihfa ti mi cu Bawi Jesuh Khrih in a nung mi hna khi an si.Kal 2:20 ah "Keimah cu Bawipa Jesuh he vailam cungah ka thi cang.Nain a tu ka nung rih.Sihmanselaw a tu a nung mi hi keimah silo  in Khrih tu nih ka chungah a hung nung tiah kan hmuh.Cun Pathian nih zungzalnunnak a kan pek.Cu nunnak cu Fapa chungah a um.Fapa a zumh i a ngei mi cu zungzal nunnak an ngei.Fapa a ngei lo mi cu nunnak an ngei lo.Pathian Fapa a zum mi nan nih cu zungzal nunnak kha pumpak in nan ngei cang ti kha thei ter duh ah hi ca ka tial tiah kan hmuh.Hi hi Khamhnak caah a fek ngai mi Fiannak a si. 2. Sualngaithiamnak caah Fiannak..... .. 1John 1:9,1John 2:1 Khamh mifa kan si kha kan i fian hnuah minung sining a tang rih caah sualpalhnak kan tuah than kho men.Thlarau lei ah raldo zia kan thiam rih lo caah a si..Cu tikah Khuachia thlarau tha lo nihcun sual an phawt thluamah te lai.Na sual than cang caah Hell ah na kal ko lai tiah an hlen te lai kha philhlah u sih. Cu tikah Nawlbia tang ah a nung rih mi hna Khrifa zumtu cheukhat hna cu an lung a dong cawlh i a puai  ti lo tiin sualnak chungah an i cia lan tawn.Kha tin kha nung ding  si loin cathiang nih"Na sualnak kha na phuang ahcun Pathian cu kan sual ngaithiam awk ah a dinfel mi Pathian a si tiah kan hmuh.Cun Sualnak ah a tlusual mi Pathian fapa le fanu hna caah Ai awh thlacam rian a kan tuan piak tu Tlangbawi kan ngei tiah a cung 1John2:1 ah kan hmuh.Unau hna,Sualpalhnak kan tuah sual ahcun Bawipa sinah na sualnak kha phuang cawlh law ngaithiamnak kan hal than ahcun kan sualnak in ngaithiam than kan si hlei ah khamh lawmhnak zong a kan pek than lai ti kha hngal uh sih. 3. Thlacamnak caah Fiannak  .......John 16:24,1John 5:14,Luke 18:1-9 Atu tiang ka min in thla nan cam rih lo.Nan lunglawmhnak tlam a tlinnak hnga caah thlacam uh,cu tin nan cam ahcun nan hmuh lai tiah Bawi Jesuh biakam nak kan hmuh.Cun a duh ningin  thla kan cam ahcun kan hmuh lai ti zong kan hngalh i ngamnak thinlung kan ngei khawhnak a si tiah kan hmuh fawn. Zumhnak in thla kan cam ahcun tuahpiak nan si lai a ti caah ngamnak le ruahchannak he thlacam u sih.Bawipa nih kan thlacam mi a kan leh hrimhrim  lai. 4. Raltha ngamnak caah Fiannak..... ........   Heb 4:16 Pek awktlak le Co awktlak thil nan hmuhnak hnga velngeinak pulpit lei ah ralthat ngamtak tein pan uh sih tiah kan hmuh fawn. Pathian sin ah a panh  mi hna cu "Pathian a um taktak ti le a mah apanh mi hna kha thiltha apek hna ti kha a zumh awk a si tiah kan hmuh.Heb11:1- 6.Zumhnak cu a ral a tha..A ngam a sang fawn. Bawipa nih khua a khang te lai ti lengmang a si.A kaa lawng a si lo in nunnak in bia a chim. 5. Teinak caah Fiannak..... ......John 16:33,Rom 6:11 Vawlei nih Harnak an pek hna lai.Sihmansehlaw tih hlah uh,zeicah tiah vawlei cu ka tei cang tiah Bawipa nih a ti.Kan tawn mi thil har vialte hna hi kanmah lei kap in kan zoh poh ah le kan cuan poh ahcun tlangpi bantuk in a sang kolai nain Pathian leikap in kan zoh thiam ahcun Vawlei thilhar vialte hi thil hmette lawng te an si dih ko lai.Zumhnak ti mi cu Pathian zoh ningin le Pathian hmuhning in khuacuan le hmuhthiam  hi a si. Cun kan Khrihfa nunram ah Sualnak nih a kan tukfawr tik poh ah kan thei ding mi cu Kei cu Kan Bawipa Jesuh he Vailamtah nakah ka thi cang caah sualnak tuah ding ahcun ka thi cang i dinnak  tuah dingah ka nung cang tiah kan i hngal poh ahcun sualnak le tulkfawrhnak cu kan tei zungzal ko lai. Khrihfa situng i sualnak chungah aaciah peng mi hna cu Cross cung ah Khrih he ka thih cang tiah a hngal rihlo mi le a philh mi hna an si.Thiltha tuah dingah kan nung cang i thiltha lo mi le sualnak tuah ding ah Khrih thawngin a nung mi kan si. Hi Fiannak Phun 5 kan i fiannak thawngin Bawipa Jesuh Khrih he i rem tein khua kan sa khawhnak hnga le Biatak tein Pathain ah kan tlawnlen khawh nak hnga caah Pathian nih thluachuah  kan pe cio hram seh.Amen. Khrih rianthian ah, Pastor James Peng Hu City Christian Assembly Mobile..095076347 ------------------------------